ذُوَتْ في الروح كمْ ورده وانَا اسْقيها

عَلام الورْد يذبل والعُمُر سقّاي

اهِي لعبه، وُقلبي صاح يبغيها

وُمَرّ السيف بوْعوده ومرّ شْتاي

تِكَسَّر كلّ شي فيها واداريها

أَلَبِّسها وَامشّطها وْتنام حْذاي!

اذا ملَّت وُهِي جنبي أمَشِّيها

أَحَمِّمْها وانشِّفها على يِمناي!

واذا ملت سُقوف البيت اوديها

تِشوف الطير وتْلاعب رذاذ الماي!

غريبه دميتي، كل شي انكسر فيها

ولكنْها تِجِيني بْقهوتي والشاي!

كَريمه دميتي، لي جِيت انَا اقْريها

تمادت فِي الزعل وُاسْتَعْذبت مَسْعاي!!

نبيل الريان