ذكـرت أحـلى تـعابير الـغرام بـنظرة عيونك

وشفت بعينك اخلاصك وكل الحب واسلامك

تـعـلمت الـمحبه مـن عـيونك والـغلا عـونك

هـلا يا احْلى ترانيم الفرح في داخل احلامك

احـس بـداخلك أسـكن أصحّي غافي جنونك

أعـيش بـداخلك نـشوى أداعب أجمل ايامك

مـثل ماطيفك يداعب خفوقٍ يشكي طعونك

تـنفست الـهوا جـنبك لـفحني بـارد انـسامك

وعـشت أغلى ليالينا ترفّق بي على هونك

رواني من عقب هجرك وكثر الصد وآلامك

سـقاني وانـعش عـروقي ولاخيبت مظنونك

تـقول الـيوم حبّيني عقب ماصابت سهامك؟

خــلاص الـحـب ذوبـني عـليّ الله ما اخونك

طـلبتك اتـرك شـكوكك وعـِيش بـلذة هيامك

أحـبـك ايــه أحـبك لاتـصدّق واهـي ظـنونك

لأنّــك سـاكـن بـقـلبي رجـيتك بـدّد اوهـامك

فـديتك يـانظر عـيني وكـل الـعمر من دونك