(أ) هي المرة الأولى التي يتواصل فيها الشاعر الجميل محمد جاسم عبدالرحيم، مع صفحة «ريضان» ونحن سعداء غاية السعادة. لكن ليعذرنا الشاعر لأننا اضطررنا الى حذف عدد من الأبيات التي لم يستقم فيها الوزن، ولضغوط العمل لم نتمكن من تقويمها. علاوة على بعض الأبيات التي ظلت مرتبكة في معانيها ولا تقول شيئا.

كثر منته تبي قربي وكثــــر ما ودّي في لقياك

تعال وشوف بعيونك فراقـــك ويـــش سوابي

تخيلتك تهلّي بــي تـجي وتــــقول انا اهواك

تخيلتك تنـــــادينـي تصبّر عينـي واهـــدابي

قصايد تنكـــتب بالليـــل اغاني تنقرى وياك

ألــم شـــاعر نزف دمه قصايد من قهر مابي

احبك حب لو تسمح تكـــرّم قول لي اهواك

احبك موت من قلبــــي وحبــك شرّع ابوابي

إلا يا شينها الفرقى مع مثلك مع شرواك

خصوصا لاسرت الأيام ومنته حاسب احسابي

ابي كلمه انا منـّـــك تصبّر قلب ما ينساك

وابي قلبك وابي روحــــك تذكّرني بغلا اغيابي

ترى جرحك مثل جرحي يبان ابـطلّة امحياك

وما يقدر على فرقاي ولا يرتاح ويهـــــدى بي

(ب) قصيدة تكشف عن امكانات مقبلة تبشر بالكثير من الدهشة والمفاجأة