الكحل حضن اتساعه كونْ

والكون اتساعه

عينك اللي تحضنه...

باعْلنه مينا... منافي

باعلنه عذْب المكان

وبارشفه ظل ازمنه...

آه يالنعناع لا غامر

بوحشة هالعطنْ

آه يالمغنى القديم

ليه كنك ضعف

وانتي أبْجَدَةْ ها الهيمنه؟...

الغوايه: سكّةٍ عميا

لمن هو شافها

والصدى: موتٍ يحنْ لْصوته

اللي كان ودّه يسكنه...

يالزلال ويالضَلال

أثْمَرْتْ من بعدك هدى

واورَقْتْ جنحان ومدى

وجيتك عشاني أرهنه...

جيت هالجغرافيا مُرّه

وفيني ألف حد وألف صد وألف مد

وما انكسرتْ الاّ عشان

آطال غيّك وافتنه...

ليه يستشري البذخ في غْياب

وانْ جيتي ايتلعثمْ كلْ شيْ؟

ليه نارك لا رضيتي ميْ.. ميْ؟

جيت مكتظ بسراب .. ومبهم الأشيا

وانا باثنينهم .. أحيا وأحيا

مرةٍ أتعلّم اشلون افْرحه

وانسى ويثمر داخلي صبّار

يجعل كل شيٍ يحزنه...

آه يا تلويحة المينا لـْ غريب

آه يا البعد القريب

آه يا تفاحة الغفران وآيات المسا

ليه قلبك ما قسا؟

يوم جيت أطمس فضا كحلك

همستي لي: تزيده برهنه!!