إن عشقت اليوم عشته وإن كرهته قلت غور

الثواني... الدقايق والليالي دالفه

نكره و نعشق ولكن سنة الله ما تبور

ربَّ شيٍ تكرهوا خيرا لكم من خالفه

بس فيه أشياء إلا من صرت كارهّا معذور

ارتفع عنها و نفسي عن غثاها حالفه

أكره الرجال لا من صار نمامٍ هذور

ما معه سدٍ بعيد و لا يحفظ السالفه

وأكره الرجال إلا من طاوع أمات البزور

لا رضن يرضى و يزعل لا زعلن مكالفه

وأكره الرجال لا من صار به نقص و غرور

فوق برج العاج يبني كبرياه التالفه

لو قرا شعر المعري ما نسى بعض السطور

كل بيتٍ فيه حكمه و الحكم متخالفه

( قال سيروا فوق سطح الأرض رفقا بالقبور

ما أديمُ الأرض إلا للشعوب السالفه)

وأكره الحكمه إذا قامت على الذله تدور

مثل قول إن كنت ما تقدر عدوك حالفه

وأكره الدنيا إلا من قامت تعلّ الصدور

باعدت خل و خليل و فرقت متوالفه