وجانا الموعد الثاني وبدلنا الأمل بالياس

طوينا صفحة الذكرى لزمانٍ ما يجي زيّه

نسينا الماضي وافراحه نسينا ثورة الانفاس

سمحنا للزمن يهدم مشاعر حيل عذريه

ضحكنا ثمْ بكينا والأسى خيّم على الاحساس

ونعينا قصةٍ للحب... معْ أحلام ورديه

سمعنا كلمة الحاسد... رسمنا لوحة الوسواس

وعشنا قسوة الحرمان يوم أركى بنا كيه

وتهدم صرحنا العالي وشارفنا على الافلاس

وضاعت دنيتي يمّك ما بين الروحه والجيه

ملاذي وش ملاذي اليوم بعدك يا عديم اجناس

تضيعني وأنا اللي أشعل الشمعات فـ... يديه

أنا عيوني تهلّه دمّ ما هو دمع زيّ الناس

فراقك صعب ما يقوى عليه إنسان يا بنيّه

بعدما كان حبي لك بلا حدّ وبدون قياس

وش اللي حدك الْـ هرجٍ يقولونه لكم فيّه

وجانا الموعد القاسي وبدلنا الأمل بالياس

وطارت صفحة الذكرى... لعمرٍ ما يجي زيّه