شعر - سليمان المانع
طشن بنات افكارها طشت اعصير
وجتني ينثر ينثر ريح شعري... شعرها
وقفت مثل ظبي سمع رمي ومذير
تجمع من كفوف المتاهة ذعرها
جنون والله ما تخيلته يصير
ينحر قهر كل الحواجز نحرها
فيها براءة فوق كل المعايير
الكون كله لو بغى ما اختصرها
تضحك وينبت في كفوفي نواوير
تغضي وتسقيهن سوالف سفرها
أنا انبهرت بجد! لا أسمع ولا اشير
ومن شاف ما شافت عيوني عذرها
ذا شيء غير الناس ياهل الهوى غير
حسن لوحده لو تعرت سترها
خلاص يا درب الهواوي معاذير
هذي هي اللي كنت يوم انتظرها
العدد 813 - الجمعة 26 نوفمبر 2004م الموافق 13 شوال 1425هـ