راح أول الليل والباقي من الليل راح

استاهلك يا حزونٍ بعثرت شيبتي

واموت شامخ على صدر الصخر والرياح

أعطّر الخلق من مسكي... ومن طيبتي

أحمد الغامدي

الهوى

والهوى ما عرف دربه ولا واصله

وفوق هذا أحبه ثم أحبه وابيه

كنت انا احسب عظامه واهنه ناحله

لنّي احسب معاناة الهوى تعتريه

عبدالله الزهراني

تتعب الشمس

كان كلٍ يراني في عيونه غبار

ليه.. عن بعض بعضي.. صرت مثل الكفيف؟

تتعب الشمس تركض والنهار النهار

مثل ما هو بجوعه مثل ما انا رغيف

أحمد شامي

حلوه هماج

بالوداع اللي يعين اهل القلوب الصابره

من تصبّر لحظة الفرقا لقى حلوه هماج

والله اني لا اعتني به والحياة مثابره

دام لي عقل وعيون وقلب واعصاب ومزاج

خالد زبار

تفاصيل السفر

لها الخفّاق يكفخ للمطير ويصفق الكابوس

تولّع بالهدد واسرج بنات الفكر واشغلها

تفاصيل السفر غب السرا والنايفات عسوس

وانا العسّاس لعيون الأمل واللي تكحّلها

ناجي العازمي

تعّبني سرابه

جيت مخلوقٍ عجز يصبر على قدرة مصابه

جيت افضفض ما دريت انه بيلحقني ملامي

جيت مدري كيف جيت الوقت تعّبني سرابه

جيت من صحرا ورا الطايف ومعلنها تهامي

سالم عقاب