عثر عدد من النشطاء البيئيين، أمس الثلثاء (13 فبراير/ شباط 2013)، على بقرة بحر عملاقة، بعد نفوقها في ساحل البديع، وقام فريق مختص بنقلها إلى منطقة عسكر ليتم دفنها في موقع مخصص لدفن الحيوانات والثديات البحرية النافقة.
وقال أحد النشطاء لـ «الوسط»: «إن بقرة البحر يتراوح طولها ما بين 2 و3 أمتار، فيما يبدو أنها تعرضت لضربة من أحد الغزول التي تستخدم لصيد الأسماك؛ ما أدى لإصابتها ونفوقها في وقت لاحق».
العدد 3812 - الثلثاء 12 فبراير 2013م الموافق 01 ربيع الثاني 1434هـ
حسبي الله على اللي غرتهم بجنة دلمون
سمعو كلام (كركشان) لمن قالت نزلوني على أجمل أرض في الكوكب وجو يتراكضون الدلافين من صوب والبقر من صوب، ولمن جافو الوضع اللي حتى شي ياكلونه ما حصلو ! انصدمو وفضلو الإنتحار .. حتى يدفنونهم في جنة دلمون .. لكن احنا ما نلومهم .. لانهم حالهم حال الأجانب اللي ما كنا نعرفهم من قبل والحين شحنو البلد ونشوفهم في كل مكان .. وكل من يبغي ياكل من كيكة دلمون .. والله يعينا على اللي بجينا من بعد البقر والدلافين !!!!!
زاير رقم 7 صباح الورد والياسمين
وراك هلون قاعد تطنز
شنقايل!!!
يبه شكلك وايد محتر من كلام أهل لمحرق ههههه ترا كلام أهل لمحرق حلو
وأحلا من العسل حتى لو اقلبو القاف قين او القين قاف عيل مب قاصر الا تقول
ليش أهل لمحرق يلفظون اليا بدل الجيم على سبل المثال يقولون يمل بدل
جمل - ياي بدل جاي - يوهر بدل جوهر - ويقولون فيما لا اختصار (في أمان الله) ههههههه
الصراحة يا الطيب ضحكتنه من صباحت الله خير
المسمار الأخير
غير البحر و الأرض آشوف في الصورة واحد عنده فيتة و يقايس ( ايقز ) بقرة البحر ، بمعنى يعرف كم طولها على الأقل ، يعني مو رقم عشوائي ، حاط الفيتة يعني متمكن و بين 2 و 3 أمتار متر واحد يعني 100 سنتيمتر ، أو إن تقريركم خرطي يا مهندس ،
مسامحة بس حبيت آصبح عليكم بشوي غشمرة ، لأن كل شي صار نكد في نكد .
اشلون ما تبقون البية البحرية تدمر والسمج يموت او ينقرظ
نعم يا خوي وكاد تعرظت حق ظربت قزل أو ظربت طراد وماتت
احنه حداقة المحرق لما نطلع طلعت حداق نشوف البنقالية عيني عينك
يستخدمون القزل الاسرائلي يسكرون لهم منطقة عودة ويخمون كل شي
حتى لسمجة لصغيرة اتذكر حتى مرة من المرات كنا نحدق عند بويت
زروان وبنقالي في الطراد بروحه محد وياه كان ماد له قزل اشطوله
مع الاسف مرت عليه دورية خفر السواحل ولا قالو له شي هاذلين هم
الي دامرين البحر دمار ولا حد موقفهم عند حدهم ولا حتى قايل لهم شي
وين خيرات بحر البحرين لول خلاص يوم بعد يوم يدمر كل شي
قزل
صباح الخير. يعني لازم تخربون اللغه علشان نعرف بأنكم من لمحرق!؟ قزل قال قزل يا أخي اللفظ ماعليه مو الكتابه بعد يابوقزل
بالله عليك
قول (قزل تقزلنا به وقزل ما تقزلنا به تعال يا راعي القزازيل قزلنا بالقزل اللي ما تقزلنا به) ثلاث مرات بسرعة هههه
هناك
في فرق بين نظافة هذه البقره في ساحل البديع وبين الدلفين في ساحل كرانه الله يعين البحرين
امس دولفين واليوم بقرة البحر
والله حاله امس دلفين نافق واليوم بقرة البحر نافقة وباجر ما ندري بنحصل حوت او شنو نافق ... وين المؤسسات البيئية عن هالشي ...
امس كانت دلفين !!
أرسوا على بر